काठमाडौं । नाडा अटोमोबाइल्स एसोसिएसन अफ नेपालले एलसी मार्जिनमा ब्याज प्रदान गर्न र कर्जाको ब्याज घटाउन नेपाल राष्ट्र बैंकको ध्यानाकर्षण गराएको छ ।

राष्ट्र बैंकले सवारी साधनलगायत अटोमोबाइल स्पेयर पार्टसहरूको आयातका लागि एलसी खोल्दा न्यूनतम मार्जिनको सीमा ५ प्रतिशतबाट वृद्धि गरेर ५० देखि १०० प्रतिशतसम्म कायम गरेको छ । यस्तो व्यवस्थाले सवारी साधनलगायत स्पेयर पार्टसहरूको सहज आपूर्ति व्यवस्थामा समस्या हुनुका साथै त्यसले सवारी साधन तथा स्पेयर पार्टसहरूको मूल्यसमेत बढ्न गई उपभोक्ताहरूलाई समेत असर पर्ने भएकाले पूर्वव्यवस्था अनुसारको न्यूनतम मार्जिनको व्यवस्था कायम गर्ने व्यवस्थाका लागि नाडाले माग गरेको हो ।

यदि उक्त व्यवस्था तत्काल परिमार्जन गर्न संभव नभए व्यवसायीहरूले एलसी मार्जिनका लागि राखेको उक्त धरौटी रकममा बैंक तथा वित्तीय संस्थाहरूले ब्याज प्रदान गर्ने व्यवस्था गर्न माग गरेको छ ।