काठमाडौं । एक महिनादेखि त्रिभुवन विश्वविद्यालयमा भइरहेको तालाबन्दीविरुद्ध प्राध्यापक, कर्मचारी र विद्यार्थीहरूले बिहीबार मौन प्रर्दशन गरेका छन् ।
उनीहरूले रेक्टर कार्यालय परिसरमा तालाबन्दीविरुद्धमा लेखिएका प्लेकार्ड बोकी गोलो घेरा बनाई पन्ध्र मिनेट मौन धारण गरेका थिए ।
नेपाल प्रगतिशील प्राध्यापक संगठनको अगुवाइमा भएको विरोध प्रर्दशनमा तालबान्दीको अन्त्य गरिनुपर्ने माग गरिएको थियो ।
बहानामा नगरेर विश्वविद्यालयका समस्याहरूको समाधान वार्ताबाट खोज्न उनीहरूको आग्रह छ ।
यसअघि त्रिविका कर्मचारीले पनि तालाबन्दीको विरोधमा विज्ञप्ति जारी गरेका थिए । त्रिविको उपकुलपति, रजिस्ट्रार, रेक्टर, सेवा आयोग कार्यालयमा सत्तारूढ नेपाल विद्यार्थी संघ र आंशिक प्राध्यापक संघले तालाबन्दी गरेका छन् ।