काठमाडौं । काठमाडौं महानगरपालिकाअन्तर्गत गरिब परिवार पहिचान तथा परिचयपत्र वितरण सर्वेक्षणका लागि सुपरिवेक्षक र गणकका निम्ति आवेदन आह्वान गरिएको छ ।

मंगलबार सूचना प्रकाशित गरी २१ सुपरिवेक्षक र २१० गणकका लागि आवेदन आह्वान गरिएको हो । सात दिनभित्र आवेदन दिन भनिएको छ ।

आवेदन काठमाडौं महानगरपालिकाको वेबसाइटमा रहेको अनलाइन आवेदन प्रणाली (लिंक)मार्फत सोही प्रणालीमा तोकिएको सर्तानुसार यही माग २४ गतेभित्र दिई सक्नुपर्ने जनाइएको छ । भौतिक आवेदनहरू मान्य नहुने पनि जनाइएको छ ।

प्रणालीमार्फत प्राप्त भएका आवेदनहरू स्वीकृतपश्चात् व्यक्तिको इमेलमार्फत सीप परीक्षणका लागि जानकारी दिइनेछ । छनोट भएका उमेदवारहरूलाई अन्तर्वार्ताका लागि निजको इमेलमार्फत जानकारी गराइने महानगरले जनाएको छ ।

यो सूचनाअनुसार आवेदन फराम भर्दा कुनै शुल्क लाग्ने छैन ।

सूचना पढ्नोस्-