पोखरा । सत्तारूढ पाँच दलीय गठबन्धनको समीक्षा बैठकले गठबन्धनमा गम्भीर कमीकमजोरी रहेको निष्कर्ष निकालेको छ । बुधबार सम्पन्न राष्ट्रिय सभा निर्वाचनमा गठबन्धनका जनप्रतिनिधिले एमालेका उमेदवारलाई मत दिएकोबारे समीक्षा गर्न बिहीबार बसेको बैठकले गठबन्धनमा गम्भीर समस्या रहेको निष्कर्ष निकालेको हो ।
बैठकले गठबन्धनका आ-आफ्नो पार्टीमा छलफल गरी यसलाई अनुशासनको विषयवस्तु बनाउने निर्णय गरेको छ ।
यद्यपि बैठकबारे जारी गरिएको विज्ञप्तिमा गठबन्धनका जनप्रतिनिधिले एमालेका उमेदवारलाई मत दिएकोबारे केही उल्लेख छैन । तर, बुधबार नेताहरूले यसबारे आज छलफल गरेर छानबिन गरिने बताएका थिए ।
बैठकले निर्वाचित उमेदवारलाई बधाई पनि दिएको छ ।
यसैगरी बैठकले गठबन्धनको आवश्यकता र औचित्यलाई थप पुष्टि गर्दै लोकतन्त्र र संविधानको रक्षाका लागि गठबन्धनलाई निरन्तरता दिनुपर्ने पनि निष्कर्ष निकालेको विज्ञप्तिमा भनिएको छ ।
हेर्नुहोस् विज्ञप्ति :
-1717314074.jpg)
-1716278128.jpg)
-1734691541.jpg)
