काठमाडौं । प्रदर्शन हुँदाहुँदै रोकिएको चलचित्र ‘चपली हाइट–३’ पुनः प्रदर्शन हुने भएको छ । सिनेमा हल खुलेपछि चलचित्र ‘चपली हाइट–३’ रिलिज हुने निर्माता अर्जुन कुमारले जानकारी दिएका छन् । 

चलचित्र प्रदर्शन भइरहेका बेला कोरोना भाइरसको संक्रमण दर उच्च भएपछि सरकारले सिनेमा हल बन्द गर्ने निर्णय गरेको थियो । उक्त निर्णयसँगै चलचित्रको प्रदर्शन पनि रोकिएको थियो । 
 
“अब हामी सिनेमा हल खुलेपछि चलचित्र पुनः रिलिज गर्नेछौं । प्रेस सो गरेर चलचित्र रिलिज गर्ने तयारी छ,” अर्जुनकुमार भन्छन् ।

सिनेमा हल कहिले खुल्छन् निश्चित छैन । कोरोना संक्रमणको दर निरन्तर उकालो लागिरहेकाले तत्काल सिनेमा हल खुल्ने छैनन् । 

चलचित्र ‘चपली हाइट–३’को मिश्रित समीक्षा आइरेको थियो । निकेश खड्काले निर्देशन गरेको चलचित्रमा स्वस्तिमा खड्का, आमिर गौतम, अर्पण थापा, महेश त्रिपाठी, सुपुष्पा भट्टलगायत कलाकारको अभिनय छ ।