![काबुलमा अमेरिकाले ड्रोन आक्रमण गरेर आईएसको कार बम 'ध्वस्त पारिदियो'](https://12khari.top/uploads/posts/Kabul Attack1630259296.jpg)
काठमाडौं । अमेरिकी सेनाले इस्लामिक स्टेट (आईएस) को कार बमलाई ‘नष्ट गरिदिएको’ छ । आइतबार अफगानिस्तानको काबुल विमानस्थलमा आत्मघाती कार बम विस्फोट गर्न खोजिरहेको एक जनालाई अमेरिकी सेनाले ड्रोन आक्रमण गरेर मारिदिएको अमेरिकी अधिकारीलाई उद्धृत गर्दै रोयटर्सले जनाएको छ ।
ठुलो परिमाणमा विष्फोटक पदार्थ बोकेको कारलाई अमेरिकी सैनिकको मानवरहित विमानले आक्रमण गरेको अमेरिकी अधिकारीलाई उद्धृत गर्दै रोयटर्सले उल्लेख गरेको छ । रोयटर्सका अनुसार आइतबार राति ११ बजेसम्म मानवीय क्षतिबारे कुन विवरण प्राप्त भएको छैन । तर, त्यसबारे अनुसन्धान भइरहेको समाचारमा उल्लेख छ ।
गत बिहीबार काबुुल विमानस्थलबाहिर इस्लामिट स्टेटले गरेको बम हमलापछि अमेरिकी सेनाले आइतबार दोस्रोपटक हवाई आक्रमण गरेको हो ।
शनिबार अमेरिकी राष्ट्रपति जो बाइडेनले २४ देखि ३६ घण्टाभित्र काबुल विमानस्थलमा आक्रमण हुनसक्ने बताएका थिए । अमेरिकी सेनाले आगामी मंगलबार (अगस्ट ३१) मा अफगानिस्तान छोड्दैछ ।
![Global Ime bank](https://baahrakhari.com/uploads/bigyaapan/30885600.gif)
अमेरिकी अधिकारीहरूले अमेरिकी सेनाले काबुल छोड्ने क्रममा स्थानीय ‘आईएसआईएस–के’ ले विमानस्थलमा आक्रमण गर्नसक्ने विषयलाई लिएर चिन्ता व्यक्त गर्दै आएका छन् ।
अफगानिस्तानमा अमेरिकी सेनाको उपस्थिति घट्दै जाँदा अन्य आतंकवादी समूहले आफ्नो आक्रमणलाई बढाउँदै लैजाने अनुमान गरिएको छ ।