काठमाडौं । अफगानिस्तानको काबुल विमानस्थलबाहिर विस्फोट भएको छ । विमानस्थलबाहिर विस्फोट भएको अमेरिकी रक्षा मन्त्रालयले पुष्टि गरेको छ । 

विस्फोटमा परी महिला बालबालिकासहित कम्तीमा ११ जनाको मृत्यु भएको र तालिबानका केही सुरक्षाकर्मीहरू घाइते भएका एक जना तालिबान अधिरकारीले बताएका छन् । बीबीसीका पत्रकार सेकुन्दर केर्मानीले मृतककाे संख्या अझै बढ्नसक्ने जनाएका छन् । 

समाचार एजेन्सी एपीले भने रुसी अधिकारीलाई उद्धृत गर्दै १३ जनाकाे मृत्यु भएकाे जनाएकाे छ ।

अमेरिकी रक्षा मन्त्रालय पेन्टागनले काबुल विमानस्थलबाहिर भएकाे विस्फाेटमा अमेरिकी नागरिककाे पनि हताहत भएकाे जनाएकाे बीबीसीले उल्लेख गरेकाे छ ।
 
अमेरिका लगायतका देशले काबुल विमानस्थलमा आतंकवादी हमला हुनसक्ने बताउँदै आएका थिए ।