खेल
काठमाडौं । इंग्लिस प्रिमियर लिग क्लब लेस्टर सिटीले कम्युनिटी शिल्डको उपाधि जितेको छ । शनिबार भएको फाइनलमा म्यानचेस्टर सिटीलाई १–० ले पराजित गर्दै लेस्टरले उपाधि जितेको हो ।
वेम्बली स्टेडियममा भएको खेलमा लेस्टरलाई उपाधि दिलाउन केलिची इहिनाचोले निर्णायक गोल गरे । केलिचीले खेलको ८९औँ मिनेटमा पेनाल्टीमार्फत निर्णायक गोल गरेका हुन् ।
लेस्टरले दोस्रोपटक कम्युनिटी शिल्डको उपाधि जितेको हो । सिटी भने सातौँपटक उपाधि जित्नबाट वन्चित भयो ।
कम्युनिटी शिल्डको फाइनलमा प्रिमियर लिग विजेता र एफए कप विजेताले प्रतिष्पर्धा गर्ने गर्छन् ।
प्रकाशित मिति: आइतबार, साउन २४, २०७८ ०९:२५
प्रतिक्रिया दिनुहोस्