काठमाडौं । इंग्लिस प्रिमियर लिग क्लब टोटेनहम र चेल्सीले प्रि–सिजनअन्तर्गत मैत्रीपूर्ण खेलमा बराबरी खेलेका छन् ।

बुधबार राति भएको खेलमा चेल्सी र टोटेनहमले २–२ गोलको बराबरी खेलेका हुन् । खेलमा चेल्सीले सुरुवाती दुई गोलको अग्रता बनाएको हो । अग्रता जोगाउन नसक्दा चेल्सी बराबरीमा रोकिएको हो ।

खेलको १६औँ मिनेटमा हाकिम जिएचले गोल गर्दै चेल्सीलाई अग्रता दिलाएका थिए । ४९औँ मिनेटमा जिएचले व्यक्तिगत दोस्रो गोल गर्दै चेल्सीलाई २–० को अग्रता दिलाए ।

टोटेनहमका लागि ५६औँ मिनेटमा लुकास मौराले गोल गर्दै टिमलाई २–१ को स्थितिमा ल्याए । ७०औँ मिनेटमा स्टेभेन वर्गविनले गोल गर्दै हारबाट जोगाए ।