काठमाडौं । प्रिमियर लिग क्लब चेल्सीले प्रि–सिजनअन्तर्गतको मैत्रीपूर्ण खेलमा बर्नेमाउथलाई पराजित गरेको छ । मंगलबार राति भएको खेलमा चेल्सीले बर्नेमाउथलाई २–१ ले हराएको हो ।

घरेलु मैदानमा चेल्सीले नयाँ सिजनको तयारीस्वरुप मैत्रीपूर्ण खेल खेलेको हो । बर्नेमाउथले लिएको सुरुवाती अग्रता उल्टाएर चेल्सी विजयी भयो ।

खेलको ६६औँ मिनेटमा इमिलियानो मार्कोन्डेसले गोल गर्दै बर्नेमाउथलाई अग्रता दिलाएका थिए । ७२औँ मिनेटमा अर्मान्डो ब्रोजाले गोल गर्दै चेल्सीलाई १–१ गोलको बराबरीमा ल्याए । ७६औँ मिनेटमा इके उग्बोले गोल गर्दै चेल्सीलाई २–१ को जित दिलाए ।

गत सिजन च्याम्पियन्स लिग जितेको चेल्सीले यो सिजन पनि उत्कृष्ट प्रदर्शन गर्ने योजना बनाएको छ ।