काठमाडौं । एएफसी अवार्ड २०२१ रद्द भएको छ । कतारको दोहामा तय भएको अवार्ड कोरोना महामारीको प्रभावका कारण रद्द भएको हो । 

महामारीको समयलाई मध्यनजर गर्दै अवार्ड रद्द गरिएको एसियन फुटबल कन्फेडेरेसन (एएफसी)ले जनाएको छ । 

एएफसीको कार्यसमितिको बैठकले अवार्ड यस वर्ष आयोजना नगर्ने निर्णय गरेको हो । अब अर्को संस्करणको अवार्ड कतारको दोहामा गरिने एएफसीले जनाएको छ ।

अवार्ड लगातार दोस्रो वर्ष रद्द भएको हो ।