मध्यपुरथिमि । खाना पकाउने ग्यास चुहावट हुँदा चाँगुनारायण नगरपालिका–४, चाँगुस्थित  एक घरमा आगलागी भएको छ ।

आगलागीबाट स्थानीयवासी दीपक मिजार र सानचरीको नगद ३५ हजार रुपैयाँसहित लत्ताकपडा, भाँडावर्तन, खाद्यान्नलगायत सामानसमेत जलेर आज नष्ट भएको प्रहरीले जनाएको छ ।

वाग्मती प्रदेशसभा सदस्य कृष्णलाल भँडेलसहित नेपाली कांग्रेस भक्तपुर क्षेत्र नम्बर–१ का क्षेत्रीय सभापति जीवन खत्री, सचिव जनक खत्रीको टोलीले पीडितलाई नगद पाँच हजार रुपैयाँसहित लत्ताकपडा, खाद्यान्न र ग्यास चुलोलगायत सामग्री सहयोग गरेको थियो । रासस