हलिउड । मेघाहिट साईन्स–फिक्सन चलचित्र ‘अवतार’का कलाकारहरु जोइ साल्दाना, स्याम वर्थिंगटन, केट विन्स्लेट, सिगोर्नी विवर र अन्य कलाकारहरु यसको सिक्वेल ‘अवतार–२’ का लागि फर्किने भएका छन् । 

जेम्स क्यामरनको निर्देशन तथा क्यामरनलगायत जोन ल्यान्डाउको निर्माणमा यसको सिक्वेलको छायांकन गतवर्षबाट सुरु भएको हो ।

यो चलचित्रमा हालै एक अर्का हलिउड सुपरस्टार पनि जोडिने खबरले यो चलचित्र फेरि चर्चामा आएको छ । अभिनेता विन डिजेलले हालै एमटिभीलाई दिएको एक अन्तर्वार्तामा क्यामरनको सिक्वेल ‘अवतार–२’ मा देखिन लागेको संकेत गरेका हुन् । 

विनले भने, “मैले उहाँ (जेम्स क्यामरन)सँग समय बिताएको छु, तर अहिलेसम्म छायांन गरेको छैन । मलाई जेम्स क्यामरन मनपर्छ र सिरिज पनि । मलाई लाग्छ, हामी सँगै काम गरिरहेका छौं भन्न सुरक्षित छ ।”

यो चलचित्र सन् २०२२ को डिसेम्बरमा रिलिज हुँदैछ भने ‘अवतार–३’ सन् २०२४ को डिसेम्बर २० मा रिलिज हुने बताइएको छ । 
बलिउड हंगामा