काठमाडौं । निषेधाज्ञाको समयमा काठमाडौं उपत्यकामा इ-कमर्स कम्पनीहरूले अत्यावश्यक सामग्री ढुवानी सेवा प्रदान गर्न पाउने भएका छन् । काठमाडौं, ललितपुर र भक्तपुरका प्रमुख जिल्ला अधिकारीहरूको बैठकले यस्तो निर्णय गरेको हो । जिल्ला प्रशासन कार्यालय काठमाडौंले जारी गरेको सूचनामा असार १ गतेदेखि ७ गतेसम्म अत्यावश्यक वस्तुहरूको अनलाइन तथा टेक अवे सेवा होम डेलिभरी प्रयोजनका लागि काठमाडौं उपत्यकाभित्र संचालन गर्न पाइने जनाइएको छ । यो सेवा साँझ ७ बजेटसम्म मात्र सञ्चालन गर्न पाइने छ ।
सर्वोच्च अदालतले इ–कमर्स कम्पनीहरूबाट अत्यावश्यक सामग्री ढुवानी खोल्न अन्तरिम आदेश दिएपछि प्रशासनले यो सेवा सञ्चालनका लागि अनुमति दिएको हो ।
यस्तै प्रशासनले बेलुका ९ बजेसम्म वर्कसप सञ्चालन गर्न पाइने पनि जनाएको छ । “सवारी साधन मर्मतका लागि वर्कसपहरू बेलुका ९ बजेसम्म संचालन गर्ने,” जारी सूचनामा भनिएको छ ।