बाह्रखरी
भर्खरै
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
सञ्चारमन्त्री थापाको कर्मचारीलाई निर्देशन– आफ्नो कामबाट आफैँ सन्तुष्ट हुनेगरी काम गर्नुहोस्
KNP nepal
KNP nepal
बाह्रखरी - शुक्रबार, जेठ २८, २०७८
Laxmi Bank
Laxmi Bank
Duber nepal
Agani Group

काठमाडाैं । सञ्चार तथा सूचना प्रविधिमन्त्री नैनकला थापाले मन्त्रालयको लक्ष्य तथा योजना सफल पार्नेगरी आफ्नो ध्यान केन्द्रित गर्न मन्त्रालयका कर्मचारीलाई निर्देशन दिएकी छन् । मन्त्रालयका महाशाखा तथा शाखा प्रमुखसँग आज सम्पन्न छलफलमा उनले नयाँ बजेटमा घोषणा भएअनुरूप मन्त्रालयका कार्यक्रमलाई प्रभावकारी ढङ्गले सम्पादन हुने गरी कार्ययोजना बनाउनुपर्नेमा जाेड दिइन् । 

कर्मचारीलाई परिणाम आउने गरी कार्यसम्पादन गर्न निर्देशन दिँदै उनले भनिन्, “कति ध्यान दिएर काम गरेँ भन्ने आफूलाई थाहा हुन्छ । आफ्नो कामबाट सबैभन्दा पहिले आफू सन्तुष्ट हुनेगरी काम गर्नुहोस् ।” मन्त्री थापाले पहिलेको राम्रा कार्यक्रमलाई निरन्तरता दिइने तथा केही नयाँ कार्यक्रम ल्याउनेगरी आफूले गृहकार्य गरिरहेको जानकारी दिइन् ।

अहिलेको  सूचनाप्रविधिको युगअनुरूप नेपालले यस क्षेत्रमा फड्को मार्न आवश्यक रहेकामा उनले  जोड दिइन् । सो अवसरमा मन्त्रालयका सचिव हरिप्रसाद बस्याल, महाशाखाका प्रमुखलगायतको उपस्थिति  थियो । कार्यक्रममा मन्त्रालयले सम्पादन गरिरहेका काम  तथा आगामी कार्यक्रमसम्बन्धी विस्तृत प्रस्तुतीकरण गरिएको थियो  । रासस

Nepal Investment bank
Nepal Investment bank
शुक्रबार, जेठ २८, २०७८ मा प्रकाशित
TATA Landing
TATA Landing
प्रतिक्रिया दिनुहोस्