काठमाडौं । स्वास्थ्य तथा जनसंख्या मन्त्री शेरबहादुर तामाङले दोस्रो डोज खोपको पर्खाइमा रहेका ज्येष्ठ नागरिकलाई खोप दिन सरकार प्रयत्न गरिरहेको बताएका छन् । दोस्रो डोज खोप ल्याउनका लागि सबै दातृ निकाय तथा मित्रराष्टहरूसँग मन्त्रालयले निरन्तर छलफलमा रहेको उनको भनाइ छ ।
मन्त्रालयले आज आयोजना गरेको भचर्अुल प्रेस मिटमा बोल्दै मन्त्री तामाङले भने “पहिलो डोज खोप लगाएका ६५ वर्ष माथिका नागरिकलाई छिट्टै दोस्रो डोज दिनेछौँ । केही समय धैर्य गर्न म सबैमा अनुरोध गर्दछु ।”
त्यस्तै कोभिड संक्रमणको तेस्रो लहर आएमा त्यसले धेरै बालबालिकालाई प्रभावित गर्नसक्ने कुरालाई मध्येनजर गर्दै बालबालिकामैत्री स्वास्थ्य संरचनामा जोड दिने पनि मन्त्री तामाङको भनाइ छ ।