जनकपुर । प्रदेश २ का मुख्यमन्त्री लालबाबु राउतले महन्थ ठाकुर र राजेन्द्र महतो समूहमा रहेका मन्त्रीहरूलाई बर्खास्त गरेका छन् ।

उनले आइतबार बेलुका चार मन्त्रीलाई बर्खास्त गरेका हुन् । सो समूहबाट भौतिक पूर्वाधार मन्त्री जितेन्द्र सोनल, राज्यमन्त्री डिम्पल झा, पर्यटन राज्यमन्त्री सुरेश मन्डल र वन राज्यमन्त्री अभिराम शर्मा  सरकारमा थिए ।
उनीहरु चारै जनालाई मुख्यमन्त्री राउतले बर्खास्त गरेका हुन् ।

उनीहरूलाई जसपका अध्यक्ष उपेन्द्र यादव समूहमा फर्किन आइतबार साँझसम्मको समय दिएको थियो । तर उनीहरूले कुनै प्रतिक्रिया नदिएपछि बर्खास्तीमा परेका हुन् ।

 उपेन्द्र पक्षधर आइतबार नै संसदीय दलको नेतामा मुख्यमन्त्री लालबाबु राउतले चयन गरेकाे छ । उनीहरूले आफू अनुकूल विधानसमेत पारित गरेका छन् ।