काठमाडौं । वरिष्ठ अधिवक्ता रमण श्रेष्ठले सरकारी पक्षका वकिलले न्यायाधीशकै हुर्मत लिने काम गरेको भन्दै आक्रोश व्यक्त गरेका छन् ।

आइतबारको संवैधानिक इजलासमा सरकारपक्षका वकिलले दुईजना न्यायाधीशको विषयमा प्रश्न उठाएका थिए ।

उनीहरुले दीपककुमार कार्की र आनन्दमोहन भट्टराईलाई बाहिरै रहन ‘दबाब’ दिएको भन्दै रिट निवेदकका तर्फबाट धारणा राख्ने क्रममा वरिष्ठ अधिवक्ता श्रेष्ठले प्रश्न गरे, “सबै न्यायाधीश खराब छन् भन्ने कहाँ छ ? स्टे अडर हुनुपर्ने हो कि होइन थाहा छैन, त्यता बहस भएकै छैन ? भारतमा चारजना न्यायाधीशले पत्रकार सम्मेलन गर्नुपर्ने अवस्था आयो । ११ जनाले बहस गर्नुहुँदैन भन्ने निवेदन पनि आयो । त्यसबाट के भन्न खोजिएको हो ? प्रश्न उठाउनु भनेको न्यायाधीशको हुर्मत लिनु हो ? प्रश्नका मर्यादा हुँदैन ? राज्यको काम हो प्रश्न उठाउने ?”