काठमाडौं । नेकपा एमाले खनाल नेपाल समूहले प्रधानमन्त्री केपी शर्मा ओलीले चालबाजीपूर्ण वार्ता गरेकाले भ्रममा नपर्न कार्यकर्तालाई अपिल गरेको छ ।
दुई दिने (बिहीबार र शुक्रबार)को केन्द्रीय कमिटी बैठकले पारित गरेका विषय सर्कुलर गर्दै पार्टीलाई एकताबद्ध राख्ने हाम्रो चाहनामा कुठाराघात भएको बताएका छन् ।
खनाल– नेपाल समूहले मन्त्रिपरिषद् विस्तार गरेर जनघात गरेको निष्कर्ष पनि निकालेको छ ।
केन्द्रीय कमिटी बैठकको प्रस्तावमा काम चलाउ सरकारले मन्त्रिपरिषद् विस्तार गर्नु लोकतान्त्रिक राजनीतिक प्रणाली नै भत्काउनेतर्फको निर्लज्ज पाइला भएको उल्लेख छ ।
“एकपछि अर्को असंवैधानिक र स्वेच्छाचारी कार्य गर्ने क्रममा कामचलाउ प्रधानमन्त्री रहेको अवस्थामा केपी ओलीले यही जेठ २१ गते मन्त्रिपरिषद्मा व्यापक हेरफेर गरेर संवैधानिक र लोकतान्त्रिक मूल्य, मान्यता र जनादेशमाथि घात गर्नुभएको छ । आफैँ निर्वाचनको घोषणा गर्दै कामचलाउ भएका प्रधानमन्त्रीबाट उक्त किसिमले मन्त्रिपरिषद्मा हेरफेर गरिनु लोकतान्त्रिक राजनीतिक प्रणाली नैभत्काउने तर्फको निर्लज्ज पाइला हो,” बैठकपछि जारी प्रस्तावमा भनिएको छ ।
प्रधानमन्त्री ओलीले जेठ २१ गते जनता समाजवादी पार्टीका अध्यक्ष महन्थ ठाकुर पक्षका ८ मन्त्री र २ राज्यमन्त्रीसहित मन्त्रिपरिषद् विस्तार गरेका थिए ।
साथै दुई–दुई पटक संविधान सभाको निर्वाचन गरी जारी संविधानमा काम चलाउ सरकारका प्रधानमन्त्रीले संशोधन गर्न कार्यदल गठन गरिएको भन्ने कुरा आपत्तिजनक र अलोकतान्त्रिक कार्य भएको खनाल–नेपाल समूहको निष्कर्ष छ । जसपालाई सररकारमा लैजान ५ सदस्यीय कार्यदल पनि गठन गरिएको छ ।
यस्तो छ प्रस्ताव