काठमाडौं । नेकपा (माओवादी केन्द्र) का अध्यक्ष पुष्कपमल दाहाल प्रचण्डले नेपालको ढुंगा, गिट्टी, बालुवा निकासी गरेर व्यापार घाटा कम गर्ने नाममा सरकारले कुर्सी बचाउन खोजेको आरोप लगाएका छन् ।
बुधबार सामाजिक सञ्जालमार्फत प्रचण्डले ढुंगा, गिट्टी, बालुवा निकासी गरेर सरकारले तराईलाई मरुभूमि बनाउन खोजेको बताएका छन् । उनले सरकारको सो निर्णयलाई ‘जनविरोधी’ भन्दै तत्काल खारेजीको मागसमेत गरेका छन् ।
“असंवैधानिक सरकारले बजेट मार्फत ‘नेपालको ढुंगा, गिट्टी, बालुवा निकासी गरेर ब्यापार घाटा कम गर्ने’ नाम मा कुर्सी बचाउने र तराइलाई मरुभुमीकरण गर्ने राष्ट्र र जन विरोधी निर्णय तुरुन्त खारेज गरियोस्,” प्रचण्डले भनेका छन् ।
सरकारले अध्यादेशमार्फत ल्याएकाे बजेटमा वक्तव्यमा “वातावरणीय प्रभाव मूल्याङ्कनको आधारमा खानीजन्य ढुंगा, गिट्टी, बालुवा निकासी गरी व्यापार घाटा न्यूनीकरण गरिने’ र ‘खानीजन्य निर्माण सामग्री परिवहनका लागि उद्योगदेखि निकासी विन्दुसम्म रोपवे निर्माण गर्न आयातमा लाग्ने भन्सार महसुलमा छुट दिने’ उल्लेख छ । साेही निर्णयकाे अहिले चाैतर्फी विराेध भइरहेकाे छ ।
याे पनि पढ्नुहाेस्
चुरेभावर सिध्याउने आत्मघाती तयारी