![प्रतापपुर घटनाबारे विस्तृत विवरण पठाउन आयोगको पत्रचार](https://12khari.top/uploads/posts/manabadhikar aayog1617262949.jpg)
काठमाडौं । राष्ट्रिय मानवअधिकार आयोगले नवलपरासी (बर्दघाट सुस्तापश्चिम)को नेपाल–भारत सीमानाकानजिकैको प्रतापपुरमा भएको घटनाको अनुगमन गरी विस्तृत विवरणका लागि नेपाल प्रहरीलाई पत्रचार गरेको छ ।
आयोगको लुम्बिनी प्रदेश कार्यालयले प्रतापपुर गाउँपालिका–६, कठहवामा सशस्त्र प्रहरीको गोली लागी स्थानीय २२ वर्षीय अविनाश राय घाइते भएको र थप उपचारका लागि बुटवल लैजाने क्रममा मृत्यु भएको घटनाको अनुगमन गरी विवरण माग गरेको हो ।
आयोगका प्रवक्ता डा. टीकाराम पोखरेलले उक्त घटनाको विस्तृत विवरण उपलब्ध गराउन जिल्ला प्रशासन कार्यालय, जिल्ला प्रहरी कार्यालय र सशस्त्र प्रहरी २६ नम्बर गण नवलपरासी (बर्दघाट सुस्ता पश्चिम)लाई आजै पत्राचार गरेको जनाए ।
सीमानाका बन्द रहेको अवस्थामा सीमा पार गर्न खोज्दा झडप भएको र सशस्त्र प्रहरीले गोली चलाउँदा स्थानीय अविनाश राय घाइते भएको र अस्पताल लैजाने क्रममा बाटैमा निजको मृत्यु भएको जानकारी आयोगलाई प्राप्त भएको जनाइएको छ । रासस
![Global Ime bank](https://baahrakhari.com/uploads/bigyaapan/30885600.gif)