![पाहुना बनेर साथीको घरमा पुगेर चोरी गर्ने महिला पक्राउ](https://12khari.top/uploads/posts/448795617_836187948564090_7405204592971602389_n-1719827134.jpg)
काठमाडौं । जिल्ला प्रहरी कार्यालय कास्कीको टोलीले चोरीमा संलग्न एक महिलालाई पक्राउ गरेको छ । पक्राउ पर्नेमा रौतहटको चन्द्रपुर नगरपालिका–१२ की दिपा थापा छिन् ।
उनलाई कास्की प्रहरीले सुनको गरगहना र २९ हजार रुपैयाँ चोरी गरेको आरोपमा पक्राउ गरिएको कास्की प्रहरी प्रमुख एसपी मोहनकुमार थापाले जानकारी दिए । उनी पाँच दिनअघि पक्राउ परेकी हुन् ।
थापाका अनुसार दिपाले फेसबुकमार्फत चिनेकी साथीको घरबाट सुनका गहना र नगद चोरी गरेको उजुरीका आधारमा पक्राउ गरेको हो ।
प्रहरीको अनुसन्धानका क्रममा दिपा साथीको घरमा पाहुनाको रूपमा जाने र चोरी गरेर फर्किने गरेको खुलेको छ । एसपी थापाले भने, “फेसबुकमार्फत नै चिनेकी साथीको घरमा खाना खाने बहानामा त्यहाँ पुगेको देखिन्छ । साथी खाना पकाइरहेका बेला सुन र नगद चोरी गरेको खुलेको हो ।”
![Global Ime bank](https://baahrakhari.com/uploads/bigyaapan/30885600.gif)
प्रहरीको अनुसन्धानका क्रममा दिपा काठमाडौंलगायत विभिन्न सहरमा साथीको रूपमा घर पुग्ने र चोरी गरेर फर्किने गरेको खुलेको छ । पोखरामै अन्य व्यक्तिको घरमा समेत त्यही शैलीमा चोरी गरेको भन्दै दिपाविरुद्ध उजुरी दिएका छन् ।
उनीमाथि चोरी मुद्दामा कास्की प्रहरीले अनुसन्धान अघि बढाएको छ ।