बाह्रखरी
भर्खरै
Ncell inner sticky
कोरोना संक्रमण अपडेट प्रतिक्रिया दिनुहोस्
Jagadamba Group
Jagadamba Group
दाङमा कोरोना सङ्क्रमितको ग्राफ बढ्दो, वैशाखका २१ दिनमा मात्र ३९ जनाको मृत्यु
KNP nepal
KNP nepal
विवेक खड्का
बाह्रखरी - विवेक खड्का मंगलबार, वैशाख २१, २०७८
Laxmi Bank
Laxmi Bank

दाङ । दाङमा मंगलबार १०७ जनामा कोरोना संक्रमण देखिएको छ भने १० जना संक्रमितको मृत्यु भएको छ । जिल्ला आपतकाली कार्य सञ्चालन केन्द्रकाअनुसार राप्ती स्वास्थ्य विज्ञान प्रतिष्ठान घोराही सहित बुटवल, नेपालगञ्जमा गरिएको पीसीआर परीक्षणमा १०७ जनामा कोरोना संक्रमण पुष्टि भएको हो ।

थपिएका मृतकमध्ये घोराहीका ५, तुलसीपुरका ३ र शान्तिनगरका २ जना रहेका केन्द्रका सूचना व्यवस्थापन अधिकृत विश्वप्रकाश अर्यालले जानकारी दिए । 

Duber nepal

Agani Group

घोराही उपमहानगरपालिका वडा नम्बर ४ का १ जना, वडा नम्बर १३ का २ जना, वडा नम्बर १५ का १ जना र वडा नम्बर १७ का १ जनाको उपचारकै क्रममा मृत्यु भएको हो । यसैगरी तुलसीपुर उपमहानगरपालिका वडा नम्बर ६, १५ र १७ का एक–एक जना, शान्तिनगर गाउँपालिकाका २ जना संक्रमितको मृत्यु भएको अधिकृत अर्यालले बताए । 
यो सँगै यो वैशाख महिनामा मात्रै कोरोना संक्रमणबाट ३९ जनाको मृत्यु भएको छ ।

वैशाखको २१ दिनमा दाङमा १८ सय ४४ जनामा संक्रमण पुष्टि भएको छ । जिल्लाभर अहिले १४ सय ३ जना सक्रिया कोरोनाका बिरामी छन् । जसमा १३ सय २२ जना संक्रमित घरकै आइसोलेसनमा बसेका छन भने ८१ जना आईसीयू र अक्सिजनसहितको बेडमा उपचाररत रहेको केन्द्रले जनाएको छ ।

कोरोना विशेष अस्पताल बेलझुण्डिमा ५० जना उपचाररत छन् भने राप्ती स्वास्थ्य विज्ञान प्रतिष्ठानमा २६ जना बिरामी भर्ना भएका छन् । 
कोरोना संक्रमणबाट अहिले सम्म जिल्लामा मृत्यु हुनेको संख्या ८९ जना पुगेको छ । अहिलेसम्म जिल्लामा ५ हजार २ सय १८ जना कोरोनाबाट संक्रमित भएका छन भने निको हुनेको संख्या ३ हजार ८ सय ९६ रहेको छ ।

Nepal Investment bank
Nepal Investment bank
मंगलबार, वैशाख २१, २०७८ मा प्रकाशित
TATA Landing
TATA Landing
प्रतिक्रिया दिनुहोस्