काठमाडौं । बोरुसिया डर्टमन्ड जर्मन कप फुटबलको फाइनलमा प्रवेश गरेको छ । शनिबार राति भएको दोस्रो सेमिफाइनलमा होल्सटेइन केइलमाथि फराकिलो जित निकाल्दै डर्टमन्ड फाइनलमा पुगेको हो ।

डर्टमन्डले होल्सटेइनलाई ५–० ले पाराजित गर्‍यो । घरेलु मैदानमा डर्टमन्डलाई जित दिलाउन जियोभानी रेनाले दुई गोल गरे । मार्काे रिउ, थोर्गन हाजार्ड र जुड बेलिङ्गमले समान एक–एक गोल थपे ।

डर्टमन्डले सबै गोल पहिलो हाफमा गरेको थियो । उपाधिका लागि अब डर्टमन्डले आरबी लाइपजिगसँग खेल्नेछ ।