काठमाडौं । चितवनको अयोध्यापुरीमा राखिने राम, सीता, लक्ष्मण र हनुमानका मूर्तिलाई बालुवाटारमा प्रधानमन्त्री केपी शर्मा ओलीले पूजा गरेका छन् । प्रधानमन्त्री ओली र उनकी पत्नी राधिका शाक्यले मूर्ति चितवन लैजानुभन्दा पहिले पूजा गरेका हुन् ।

मूर्ति रथ यात्रा गरेर आज चितवन पठाइएको छ । 

रामको जन्मभूमि चितवनको अयोध्या भएको दाबी गर्दै आएका प्रधानमन्त्री ओलीले चितवनको अयोध्यापुरीमा राम, सीता, लक्ष्मण र हनुमानको मूर्ति राख्ने तयारी गत वर्षदेखि नै गरेका थिए । 

प्रधानमन्त्री ओलीले आफ्नै खर्चमा मूर्ति बनाएको बताउँदै आएका छन् ।