काठमाडौँ । स्वास्थ्य मन्त्रालयले विद्यालय बन्द गर्न तोकता गरे पनि काठमाडौं महानगरपालिकाले घुमाउरो पाराले विद्यालय बन्द गर्ने निर्णय गरेको छ ।
महानगरपालिकाको प्रमुखस्तरको २ गतेको बैठकको निर्णयअनुसार कोभिड १९ को बढ्दोक्रम देखिएकाले कुनै विद्यार्थी वा कर्मचारीमा कोरोना संक्रमण भएको पाइएमा उक्त विद्यालय कम्तिमा एक हप्ता बन्द गर्ने निर्णय गरेको छ ।
बन्द विद्यालय वैकल्पिक माध्यमबाट शिक्षण सिकाई गराउन काठमाडौं महानगरपालिका अन्तर्गतको शिक्षा विभागले अनुरोध गरेको छ ।
यस्तै, त्यस्तो अवस्था नरहेका विद्यालयको हकमा स्वास्थ्य मापदण्ड अपनाई अभिभावकसमेतको सहमतिमा विद्यालय सञ्चालन गर्न अनुरोध गरेको छ ।
सामाजिक दूरी कायम गरी मास्कको अनिवार्य प्रयोग गर्ने, साबुनपानीले हात धुने र स्यानिटाइजरको प्रयोग गर्ने र स्वास्थ्य तथा जनसंख्या मन्त्रालयले विगतमा जारी गरेका मापदण्डहरुको कडाइका साथ पालना गर्न विभागले अनुरोध छ ।
विभागका प्रमुख रामप्रसाद सुवेदीले कोभिड १९ को डरले विगतमा विद्यालय बन्द गर्दा विद्यालय खोल्नै कठिन भएकोले नरम निर्णय गरेको बताए ।