बाह्रखरी
भर्खरै
Ncell inner sticky
सम्पादकीय प्रतिक्रिया दिनुहोस्
Jagadamba Group
Jagadamba Group
सम्पादकीय पहिले सङ्क्रमणबाट बालबालिका जोगाऊँ बालबालिकाको जीवनभन्दा महत्त्वपूर्ण राज्यका लागि अरू केही हुनसक्तैन
KNP nepal
KNP nepal
बाह्रखरी - बुधबार, वैशाख १, २०७८
Laxmi Bank
Laxmi Bank

बितेको वर्ष २०७७ को उत्तरार्धतिर केही मत्थर भएको कोभिड(१९ नामको महाव्याधिको सङ्क्रमण  फेरि फैलन थालेको छ । यसपटक गत वर्षका तुलनामा बालबालिकामा सङ्क्रमण बढी देखिएको छ । यसैले  सङ्क्रमण नियन्त्रणमा थप चनाखो हुनु परेको हो ।

भारतमा सङ्क्रमण बढेसँगै नेपालमा पनि सङ्क्रमितको सङ्ख्या ह्वात्तै बढेको छ । पछिल्ला तथ्याङ्कअनुसार २०७७ चैतको अन्तिम अन्तिम दिन पीसीआर परीक्षणमा १० प्रतिशत सङ्क्रमित भेटिएका छन् । यो चिन्ताजनक सङ्ख्या हो । यस्तै, सङ्क्रमितमध्ये बालबालिकाको  अनुपात सरदर १० प्रतिशत छन् ।
    
विद्यालय जाने उमेरका बालबािलकामा कोभिड(१९ को सङ्क्रमण बढ्न थालेपछि स्वास्थ्य तथा जनसंख्या मन्त्रालयले ठूला सहरी क्षेत्रमा एक महिना विद्यालय बन्द गर्नुपर्ने सुझाव दिएको छ । निजी विद्यालय सञ्चालकहरूले भने विद्यालय बन्द गर्ने सुझाव अमान्य भन्दै निरन्तर सञ्चालन गर्ने अडान सार्वजनिक गरेका छन् ।  

Duber nepal

Agani Group

जनस्वास्थ्य विद्हरूले त झन् सङ्क्रमण बढी देखिएका क्षेत्रमा तुरुन्त विद्यालय बन्द नगरिए भयावह स्थिति उत्पन्न हुनसक्ने चेतावनी दिएका छन् । कोभिड(१९ को नयाँ प्रकार थप घातक भएकाले पनि बालबालिकालाई जोगाउन तत्काल विद्यालय बन्द गर्नुपर्नेमा उनीहरूको जोड छ ।  

सरकार भने कुनै निर्णय गर्नुभन्दा ‘भगवान भरोसे’ रहेको देखिन्छ । राजनीतिक तमासा गर्दा नबढ्ने सङ्क्रमण विद्यालयमा पठनपाठन गर्दामात्र बढ्ने हो भन्ने निजी विद्यालय सञ्चालकहरूको प्रश्नको उत्तर नभएकै कारण सायद सरकार मौन बसेको हुनुपर्छ । परन्तु, स्कुले विद्यार्थीका आमाबाबु त रमिता हेरेर बस्न पक्कै सक्तैनन् । राजनीतिक नेताहरू गैरजिम्मेवार भएकाले हामी किन नहुने भन्न पनि मिल्दैन ।  तिनलाई गैरजिम्मेवारीका लागि पक्कै जनताले दण्ड दिनेछन् ।

दस कक्षाको परीक्षालगायत शैक्षिक सत्र समाप्त हुने बेला भएकाले पनि सञ्चालकहरू निजी विद्यालय बन्द नगर्ने अडानमा रहेका हुनुपर्छ । तर, बालबालिकाको जीवनका सामु यी कुनै पनि पक्षले महत्त्व पाउन सक्तैन । विद्यालय बन्द गर्नु कोभिड सङ्क्रमण रोक्ने सर्वोत्तम उपाय हो भने तत्काल पठनपाठन रोकिनुपर्छ ।

गत वर्षजस्तो अहिले स्वास्थ्य मन्त्रालयले देशभरका विद्यालय बन्द गर्नुपर्ने सुझाव भने दिइएको छैन । तर, सङ्क्रमण भयावह भएको क्षेत्रमा विद्यालय बन्द नगरे कोभिड(१९ को प्रकोप देशव्यापी हुनसक्ने विज्ञहरूको चेतावनीलाई सरकारले पनि गम्भीररूपमा लिनुपर्छ । तत्कालका लागि कक्षा ८ सम्म बन्द गरी स्थितिको मूल्याङ्कन गर्नु उचित हुनेछ ।  

निजी विद्यालय सञ्चालकहरूले स्वास्थ्य सावधानी अपनाएर विद्यालय सञ्चालन गरिएको दाबी गरेका छन् । तर, आफ्नो हित अहित थाहा नपाउने उमेरका बालबालिकालाई स्वास्थ्य मापदण्ड पालना गराउन सम्भव देखिँदैन । यसैले निजी विद्यालय सञ्चालकहरूले पनि हठ छाड्नु उचित हुनेछ ।  उनीहरूको जिद्दीका कारण सङ्क्रमण भयावह हुनपुग्यो भने अभिभावकको आक्रोश थाम्न नसकिनेगरी विस्फोट हुनसक्छ । सरकार र निजी विद्यालय सञ्चालकहरूले यसको गम्भीरता मनन गरून् १

विद्यालय सञ्चालकहरूले अभिभावक र स्थानीय तहसँग परामर्श गरेर तत्काल कक्षा ८ सम्मको पढाइ अनलाइनमार्फत् सञ्चालन गरेर विद्यार्थीलाई विद्यालय आउन नपर्ने बनाउन् । उनीहरूलाई अभिभावकले पनि उचित सहयोग गर्नुपर्छ । विद्यालय सञ्चालकले कक्षा बन्द गर्न मञ्जुरी नदिए अभिभावकहरू आफैँ अग्रसर भएर बालबालिकालाई विद्यालय पठाउन बन्द गर्नुपर्ने देखिन्छ । बालबालिकाको जीनव भन्दा राष्ट्र र समाजका लागि बढी महत्त्वपूर्ण केही हुन सक्तैन । 
 

Nepal Investment bank
Nepal Investment bank
बुधबार, वैशाख १, २०७८ मा प्रकाशित
TATA Landing
TATA Landing
प्रतिक्रिया दिनुहोस्