काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहले आफ्नो पक्षमा बहुमत हुँदाहुँदै पनि निर्वाचन आयोगले निर्णय नगरेकोमा खेद प्रकट गरेको छ । उक्त समूहको केन्द्रीय कमिटी बैठकले खेद प्रकट गरेको हो ।

आज पार्टी कार्यालय पेरिसडाँडामा बसेको बैठकले कानुनसम्मत् निर्णय गर्न आयोगलाई आग्रह गर्ने निर्णय गरेको स्थायी कमिटी सदस्य भीम रावलले जानकारी दिए ।

“हाम्रो पक्षमा स्पष्ट बहुमत हुँदाहुँदै पनि स्पष्ट निर्णय नआएकोमा खेद प्रकट गरेको छ । निर्णय गर्न जोडदार माग गरेको छ,” उनले भने, “ढिलो न्याय दिनु भनेको न्याय नदिनु जस्तै हो ।”

निर्णयमा ढिलाइ गरेकोमा आयोगलाई पत्रचार पनि गर्न सकिने उनले बताए ।