काठमाडौं । नेपाल कम्युनिस्ट पार्टी (नेकपा)का केन्द्रीय सदस्य डाचाराज वाग्लेको निधन भएको छ । उनको निधन रहस्यमय रहेको प्रवक्ता नारायणकाजी श्रेष्ठले बताएका छन् ।
वाग्लेको निधनले पार्टी र कम्युनिस्ट आन्दोलनमा क्षति पुगेको बताएका छन् । “हाम्रो पार्टीको केन्द्रीय सदस्य डाचाराज वाग्लेको हिजो भएको रहस्यमय असामयिक निधनको खबरले स्तब्ध र मर्माहत बनाएको छ । अझै पनि अविश्वसनीय झैं लाग्ने एउटा होनाहार क्रान्तिकारी नेता एवं योद्धाको निधनबाट पार्टी र आन्दोलनमा ठूलो क्षति भएको छ,” उनले फेसबुकमा लेखेका छन् ।
गएराति सर्लाहीमा आफैंले चलाएको मोटरसाइकल दुर्घटनामा उनको मृत्यु भएको प्रहरीले जनाएको छ । प्रदेश नम्बर २ प्रहरी कार्यालयका डीआईजी धिरजप्रताप सिंहले उक्त जानकारी दिएका हुन् ।