बाह्रखरी
sticky  ncell
Samsung
Daraz
British college
Samsung
Daraz
British college
विदेश प्रतिक्रिया दिनुहोस्
Jagadamba Group
Jagadamba Group
मोडेर्नाको खोपले नयाँ प्रकारको कोरोना भाइरसविरुद्ध काम गर्ने 
बाह्रखरी - मंगलबार, माघ १३, २०७७
Laxmi Bank
Laxmi Bank
Godraj nepal
Godraj nepal

बीबीसी । कोभिडको अमेरिकी खोप, मोडेर्नाले बेलायत र दक्षिण अफ्रिकामा फेला परेको कोरोना भाइरसको नयाँ रुप विरुद्ध काम गर्ने कम्पनीका वैज्ञानिकहरुले जानकारी दिएका छन् । ल्याब परीक्षणको प्रारम्भिक नतिजाले खोपबाट उत्पन्न एन्टिबडिजले नयाँ भाइरससँग  पनि उत्तिकै प्रभावकारी तरिकाले लड्न सक्ने देखाएको हो । 

यसलाई पूर्ण रुपमा पुष्टि गर्न अझ थप रिसर्चको आवश्यकता रहेको पनि बताइएको छ । यो नयाँ रुपान्तरित कोरोना भाइरस यतिखेर थुप्रै देशमा तेजसाथ फैलिरहेको छ । समयसँगै प्राकृतिक रुपमा विकसित भएको नयाँ किसिमको कोरोना भाइरसले सुरुआतमा भन्दा छिटो र सजिलै मान्छेको सेललाई संक्रमित गराउन सक्छ । विज्ञहरुका अनुसार सेप्टेम्बरमा बेलायतबाट उत्पति भएको सो भाइरस तुलनात्मक रुपमा ७० प्रतिशतभन्दा बढी संक्रामक रहेको छ । 

Agani Group

तर, अहिलेका प्रायः खोपहरु सुरुआती भाइरसको विशेषता अध्ययन गरि निर्माण गरिएको हुँदा यसले नयाँ विकसित कोरोनाभाइरस विरुद्ध काम गर्ने/नगर्नेमा चिन्ता बढेको थियो । वैज्ञानिकहरुले खोपको प्रभावकारितामा यसले फरक नपार्ने विश्वास व्यक्त गरे पनि अहिले प्रयोगमा ल्याइएका खोपका कम्पनीहरु यसबारे अनुसन्धान गरिरहेका छन् । यसअघि फाइजरको खोपले पनि नयाँ रुपान्तरित भाइरस विरुद्ध काम गर्छ भन्ने नतिजा देखाएको थियो । मोडेर्ना सम्बन्धी रिसर्चका लागि यस खोपको दुई डोज लगाइसकेका आठजनाको रगतको स्याम्पल लिइएको हो । 

यसमा नयाँ भाइरसलाई परास्त गर्न मोडर्नाले पर्याप्त एन्टिबडिज उत्पादन गर्न सक्ने पत्ता लागेको हो । तर, यो दक्षिण अफ्रिकामा भेटिएको भाइरसमा भने बेलायतको जति बलियो रुपमा काम नगर्ने देखिएको छ । 

sarbottam cement

कम्पनीले बताए अनुसार यसको अर्थ दक्षिण अफ्रिकाको रुपान्तरित भाइरसविरुद्ध यो खोपले दिने सुरक्षा तुलनात्मक रुपमा छिटो हराउन सक्छ । 

बेलायतस्थित वारविक मेडिकल स्कुलका प्रोफेसर लरेन्स योङले यो चिन्ताजनक हुन सक्ने बताए । यस्तो अवस्थामा कम्पनीले अफ्रिकाको नयाँ भाइरसको सन्दर्भमा तेस्रो डोज दिन सकिन्छ कि भन्ने सम्बन्धी परीक्षण गरिरहेको छ । 

अहिले प्रायः वैज्ञानिकहरुले नयाँ प्रकारको भाइरस विरुद्ध लड्न खोपलाई पुनः डिजाइन गर्ने सम्बन्धी विचार गरिरहेका छन् । मोडेर्नाको खोपले पनि फाइजर जसरी नै काम गर्छ र विभिन्न देशहरुमा प्रयोगमा आइसकेको छ । बेलायतमा अहिले ६३ लाखभन्दा बढी मानिसले फाइजर र एस्ट्राजेनेका खोपको पहिलो डोज लगाइसकेका छन् । 
 

Nepal Investment bank
Sunrise bank
Nepal Investment bank
Sunrise bank
मंगलबार, माघ १३, २०७७ मा प्रकाशित
TATA Landing
TATA Landing
प्रतिक्रिया दिनुहोस्