काठमाडौं । निर्माणाधीन कमलपोखरीमा कंक्रिटको प्रयोग र काममा ढिलासुस्ती गरिएको भन्दै अभियन्ताले प्रदर्शन गरेका छन् ।
काठमाडौं महानगरपालिकाले रानीपोखरीबाट पाठ सिक्न नसकेको भन्दै शुक्रबार अनुहारमा हिलो दलेर उनीहरुले विरोध जनाएका हुन् ।
कमलपोखरीको सुकाउन नमिल्ने माटो सुकाइएपछि बाँकी रहेको माटो अनुहारमा पोतेर प्रदर्शनमा उत्रेको सम्पदा संरक्षण अभियन्ता आलोकसिद्धी तुलाधरले बताए ।
‘‘काठमाडौं महानगरपालिकाले रानीपोखरीबाट पाठ सिक्नपर्ने हो,’’ उनले भने, ‘‘जसले कमलपोखरीको दोहन पनि रोक्न सकेका छैनन् । जीवनका आधारभूत वस्तु माटो र पानीसँगको आत्मीयता दर्शाउन चाहन्छौँ ।’’
कमलपोखरी स्पोटर््स क्लबका अध्यक्ष भीमसेन मैनालीले निर्माण व्यवसायीले लापरबाही गरिरहेको आरोप लगाए । उनले भने, ‘‘निर्माण व्यवसायीले गरेको लापरबाही असह्य छ । यसमा काठमाडौं महानगरपालिका गम्भीर भएर अनुगमनमा लाग्न जरुरी छ ।’’
तस्बिरहरुः कविराज कार्की/बाह्रखरी ।