बाह्रखरी
भर्खरै
sticky  ncell
Samsung
coke
British college
Samsung
coke
British college
विदेश प्रतिक्रिया दिनुहोस्
Jagadamba Group
Jagadamba Group
ट्रम्पमाथि ऐतिहासिक दोस्रो महाअभियोग, अब के–के हुन्छ ? 
Godraj friday
Godraj friday
बाह्रखरी - बिहीबार, माघ १, २०७७
Laxmi Bank
Laxmi Bank

बीबीसी । डोनाल्ड ट्रम्प अमेरिकी इतिहासकै पहिलो राष्ट्रपति बनेका छन्, जसमाथि दुईपटक महाअभियोग जारी गरिएको छ ।

गत हप्ता संसद् भवनमा भएको हमलालाई लिएर उनीविरुद्ध हिंसा प्रोत्साहन गरेको आरोपमा सदनले बुधबार महाअभियोगको मुद्दा अघि बढाएको हो ।

यस्तोमा ट्रम्पले अब माथिल्लो सदन सिनेटमा ट्रायलको सामना गर्नुपर्ने हुन्छ, जुन आगामी जनवरी २० मा उनको कार्यकाल अन्त्य भएपछि सञ्चालन गरिनेछ । सो ट्रायलमा सिनेटहरुले भविष्यमा उनलाई फेरि पनि सार्वजनिक निर्वाचित कार्यालयका लागि लड्न दिने/नदिने भन्नेमा मतदान गर्नेछन् ।

Rohto Landing

Agani Group

आफूविरुद्ध महाअभियोगको मुद्दा अघि बढेपछि ट्रम्पले आफ्ना समर्थकहरुलाई शान्त रहन अपिल गरेका छन् । तर, महाअभियोगबारे अझैसम्म कतै उल्लेख गरेका छैनन् । अत्यन्तै भावपूर्ण शैलीमा बोल्दै उनले अमेरिकामा हिंसाका लागि कुनै स्थान नभएको र आफ्ना कुनै पनि सच्चा समर्थकले राजनीतिक हिंसामा संलग्नता नजनाउने बताएका हुन् ।

यसअघि, एफबीआईले वासिङटन डीसीसहित सबै स्टेटहरुमा बाइडेनको शपथग्रहण कार्यक्रमअगाडि ट्रम्प समर्थकहरुले अर्को हिंसात्मक प्रदर्शनको योजना बनाइरहेका बारे चेतावनी जारी गरेको थियो ।

sarbottam cement

राष्ट्रपति ट्रम्पमाथि जारी गरिएको महाअभियोग आपराधिक कारणले नभएर राजनीतिक कारणवश रहेको छ । संसद् भवनतर्फ अघि बढ्न प्रदर्शनकारीहरुलाई उक्साएको आरोप उनीमाथि रहेको छ । जसले निम्त्याएको ठूलो दुर्घटनामा गत साता पाँचजनाले ज्यान गुमाएका थिए ।

उक्त अभियोगमा उनले बारम्बार चुनाव धाँधलीका गलत कुरा फैलाउँदै आएको पनि उल्लेख गरिएको छ । साथै, उनले निर्वाचनको नतिजा स्वीकार नगर्न आफ्ना समर्थकहरुलाई प्रोत्साहन गर्दै आएको पनि बताइएको छ । यसको आधिकारिक पत्रमा लेखिएको छ, “राष्ट्रपति ट्रम्पले संयुक्त राज्य अमेरिका र यसका सरकारी निकायको सुरक्षालाई गम्भीर खतरामा पार्दै प्रजातान्त्रिक प्रणालीको अखण्डतालाई पनि जोखिममा पारेका हुन् र शान्तिपूर्ण सत्ता हस्तान्तरणको प्रक्रियामा पनि हस्तक्षेप गर्दै सरकरको एक जटिल प्रणालीको समानतालाई संकटमा पारेका छन् ।”

बुधबारको प्रतिनिधिसभा बैठकमा अधिकांश रिपब्लिकनहरुले ट्रम्पको बचाउमा बोलेनन् । तर पनि राष्ट्रिय एकताका लागि महाअभियोग नलगाउन डेमोक्रेट्सहरुसँग अपिल गरे ।

अब के हुन्छ त ?
कार्यकाल अन्त्यपछि महाअभियोगसम्बन्धी हुने आगामी ट्रायलमार्फत् सिनेटहरुले राष्ट्रपतिको गल्ती निर्धारण गर्नेछन् । यसमा ट्रम्पलाई आधिकारिकरुपमा दोषी ठहर गर्नका लागि दुईतिहाइ बहुमत आवश्यक पर्नेछ, जसको अर्थ १७ जना रिपब्लिकन पनि यसको पक्षमा हुनुपर्ने हुन्छ । यसबारे न्युयोर्क टाइम्सले गरेको रिपोर्टअनुसार अहिलेसम्म ट्रम्पमाथि महाअभियोग जारी गर्ने पक्षमा २० भन्दा धेरै सिनेटहरु रहेको पाइएको छ ।

यसरी सिनेटहरुबाट ट्रम्प दोषी ठहर भएमा सांसद्हरुले उनलाई निर्वाचित पदका लागि लड्नबाट सधैँका लागि रोक्नेसम्बन्धी अर्को मतदान गर्नेछन् । यसअघि, ट्रम्पले आफू सन् २०२४ मा फेरि राष्ट्रपति चुनाव लड्ने संकेत गरेका थिए, जसमा यसले अवरोध पुर्‍याउनेछ ।

Nepal Investment bank
Sunrise bank
Nepal Investment bank
Sunrise bank
बिहीबार, माघ १, २०७७ मा प्रकाशित
TATA Landing
TATA Landing
प्रतिक्रिया दिनुहोस्