मुम्बई । बलिउडमा लागुऔषध मुद्दाबारे अनुसन्धान गरिरहेको एनसीबीले अहिलेसम्म थुप्रै कलाकार, निर्मातालगायतसँग सोधपुछ र उनीहरुको घर तथा कार्यालयमा छापा मारिसकेको छ ।

यसैबीच एनसीबीले २१ नोभेम्बरमा हास्य कलाकार भारती सिंह र उनका पति हर्ष लिम्बाचियाको घर र कार्यालयमा छापा मारेको थियो । उनीहरुको घर र कार्यालयबाट ८६.५ ग्राम गाँजा फेला पारेको थियो ।

सोधपुछमा भारती दम्पतीले गाँजा सेवन गर्ने गरेको स्वीकारे । उनीहरुलाई शनिबार एनडीपीएस ऐनअन्तर्गत पक्राउ गरेको थियो । आइतबार उनीहरुको अदालतमा पेस गरेका उनीहरुको मेडिकल जाँचपछि १४ दिने न्यायिक हिरासतमा पठाइएको छ । 
- बलिउड हंगामा