पेन्सलभानिया । अमेरिकी राष्ट्रपतिसमेत रहेका रिपब्लिकन उमेदवार डोनाल्ड ट्रम्पले 'बृहत पत्रकार सम्मेलन' बोलाएका छन् ।
राष्ट्रपति ट्रम्पले ट्विट गर्दै पेन्सलभानियाको फिलाडेल्फियामा 'बृहत पत्रकार सम्मेलन'को आव्हान गरेका हुन् । उनले यसअघि ट्विटर गर्दै बृहत पत्रकार सम्मेलनको घोषणा गरेका थिए । तर, अहिले उक्त ट्विटर डिलिट गरिएको छ ।
बीबीसीले भनेका छन्, "हामीले पेन्सलभानियाबाट थप नतिजाको अपेक्षा गरेका छौं ।"
डेमोक्रेटिक उमेदवार जो बाइडेन निर्वाचित हुनका लागि पेन्सलभानिया जित हासिल गरे पुग्छ । पेन्सलभानियामा बाइडेन ट्रम्पभन्दा २८ हजार ८३३ मतले अघि रहेका छन् ।
राष्ट्रपति ट्रम्पले मतदानको प्रक्रियामा धाँधली र गैरकानुनी क्रियाकलाप भएको आरोप लगाउँदै बृहत पत्रकार सम्मेलन आह्वान गरेका हुन् ।
तर, उनले गरेका ट्विटहरु ट्विटरले विवादित र सम्भावित गलत सूचना फैलाएको भएको भन्दै 'लेबल' गरिएका छन् ।
राष्ट्रपति ट्रम्प र उनको टिमले विभिन्न राज्यमा मतदान र मतगणनामा धाँधली भएको भन्दै कानुनी उपचार खोजेका छन् ।
हालसम्मको नतिजा अनुसार ट्रम्पले २१४ इलेक्टोरल कलेज मत प्राप्त गरेका छन् भने बाइडेनले २५३ इलेक्टोरल कलेज मत प्राप्त गरेका छन् । - बीबीसी