काठमाडौं । सरकारले काठमाडौं उपत्यकामा कोरोना संक्रमितको उपचारका लागि दुई हजार 'हाई-डिपेन्डेन्सी युनिट' स्थापना गर्ने भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले उपत्यकामा दुई हजार वेडको मोनिटरसहितको अक्सिजन वेड स्थापनाको तयारी भइरहेको बताएका हुन् । 

उनका अनुसार त्रिवि शिक्षण अस्पताल, नेपाल प्रहरी अस्पताल, वीर अस्पताल, पाटन र आर्मी अस्पताललगायतमै मोनिटर र अक्सिजनसहितका दुई हजार बेड बनाउने तयारी भइरहेको छ ।

एउटा वेडका लागि १७ लाख पर्ने उनले बताए । उनले भने,“अर्थ मन्त्रालयमा बजेटको माग गरिएको छ र निकासा हुने बित्तिकै काम सुरु गछौँ ।”