एजेन्सी । कोरोना भाइरसलाई पराजित गरेर घर फर्किएका मेगास्टार अमिताभ बच्चनलाई उनका प्रशंसकले ‘वैकल्पिक रोजगारी’को सुझाव दिएका छन् ।
प्रशंसकले दिएको वैकल्पिक रोजगारीको सुझावबारे ब्लगमा समेट्दै उनले लेखेका छन्, “अब मेरो जब पक्का भएको छ ।” कोरोनाको महामारीबीच महराष्ट्र सरकारले ६५ वर्षभन्दा माथि उमेर समूहका कलाकार चलचित्र र टेलिभिजन श्रृङ्खलाको छायांकनका लागि जान रोक लगाएको छ । महाराष्ट्र सरकारको यही निर्देशनलाई अनुसरण गरेर अमिताभले बेरोजगार हुने चिन्त्ता व्यक्त गरेका थिए ।
यद्यपि शुक्रबार बम्बे उच्च अदालतले महराष्ट्रको उक्त निर्णय भेदभावपूर्ण भएको भनेको छ । अमिताभको यही चिन्तालाई मध्यनजर गर्दै हालै उनका एक प्रशंसकले उनलाई वैकल्पिक रोजगरीको सुझाव दिएका थिए ।
अमिताभले ब्लगमा प्रशंसकले पठाएको पूरै पत्र समावेश गरेका छन् । प्रशंसकले लेखेका छन्, “यदि तपाई स्थायी काम गर्न चाहनुहुन्छ भने हामी तपाईंलाई शान्तिको पसल खोल्न सल्लाह दिन्छौं, तपाईं शान्ति बेच्नुहोस्, जुन कहिले पनि घाटामा जाँदैन ।” (नवभारत टाइम्स)
