काठमाडौं । नेपाली कांग्रेसका नेता गोपालमान श्रेष्ठले बाढी पहिरो र प्राकृतिक प्रकोपमा परेका व्यक्तिहरुको पहिचान, राहत, उद्धार र उचित क्षतिपूर्ति प्रदान गर्न सरकारसँग आग्रह गरेका छन् ।
उनले बाह्रखरीसँग कुरा गर्दै यस्तो आग्रह गरेका हुन् । सामाजिक सञ्जाल फेसबुकमा पनि उनले सरकारसँग आग्रह गर्दैै लेखेका छन्,“वर्षातको मौसम सुरुवात भएसँगै देशका विभिन्न स्थानहरुमा बाढी पहिरो, डुवानलगायतका प्राकृतिक प्रकोपहरुबाट मृत्यु हुनेको संख्या दिनप्रतिदिन बढ्दो छ । सर्वप्रथम म विभिन्न प्रकोपका घटनाहरुमा परि मृत्युवरण गर्ने व्यक्तिहरुका हार्दिक श्रद्धासुमन व्यक्त गर्दै परिवारजनमा समवेदना व्यक्त गर्दछु । साथै प्राकृतिक प्रकोपहरुबाट पिडित व्यक्तिहरुको पहिचान, उद्धार, राहत र उचित क्षतिपूर्ति प्रदान गर्न सरकारको ध्यानाकर्षण गराउँछु ।”
उनले विपदमा परेका नागरिकको उद्धार र राहतका लागि पार्टी कार्यकर्तालाई पनि निर्देशन दिएका छन् ।