मस्को । रुसमा ७ दशमलव ५ म्याग्‍निच्युडको भूकम्प गएको छ । रुसको कुरिल टापुमा बुधबार भूकम्प गएको अमेरिकी भूगर्भ सर्वेक्षणले जनाएको छ । 

जापानको सापोरव सहरको उत्तर-पूर्वी क्षेत्रबाट करिब १४ सय किलोमिटरको दूरीमा रहेको कुरिल टापुमा ५९ किलोमिटरको गहिराइमा भूकम्प गएको जनाइएको छ । 

यसअघि आएको यही शक्तिको भूकम्पपछि सुनामी आएकोले अहिले पनि सुनामी आउनसक्ने चेतावनी दिइएको थियो । तर, पछि 'सानो किसिमको सुनामीको तरंग उत्पन्‍न हुनसक्ने' बताइएको छ  ।