site stats
बाह्रखरी :: Baahrakhari
राजनीति
Nabil BankNabil Bank
Sarbottam CementSarbottam Cement
नेकपा–राजपा गठबन्धनको जित
Ghorahi CementGhorahi Cement

जनकपुर । चार महिना अघि नेकपाले देशैभर दीपवली गरेर संविधान दिवस मनाइरहँदा तराई मधेसमा कालो दिवस मनाइँदै थियो । संघीय सरकारको सहयात्री र प्रदेश २ सरकारको नेतृत्व गरेको आधारमा समाजवादी पार्टीले न दीपावली न विरोध मनाउने निर्णय गर्‍यो ।

राजपाका प्रदेश मन्त्रीसमेत नेताहरूले कालो दिवस मनाए, संघीय सरकारको नेतृत्व गर्ने नेकपालाई सत्तोसराप गरे । प्रदेश सरकारको सेवा सुविधा पनि लिने र पदमा पुग्ने आधारको रूपमा रहेको संविधानलाई गाली पनि गर्ने दोहोरो चरित्र भन्दै नेकपाका नेताहरूले पनि राजपाका नेतृत्वको कडा आलोचना गरे । 

चौथो संविधान दिवसको दिन राजनीतिक विरोधको लागि आमुने सामुने देखिएका नेकपा र राजपामा पछिल्लो चार महिनामै एक अर्काप्रति समर्पण भावनाको विकास भएको छ । यसै परिवेशमा बिहीबार सम्पन्न भएको राष्ट्रियसभा सदस्यको निर्वाचनमा पनि नेकपा–राजपा एकजुट भएर एक अर्कालाई सहयोग गरे ।

Agni Group

प्रदेश २ को प्रतिनिधित्व गर्ने चार पद खाली भएकोमा दुवै पार्टीले दुई–दुई सिटमा मिलेरै उम्मेदवारी दिएको थियो । गठबन्धन जित्यो पनि ।

चुनावी परिणाम सार्वजनिक भएपछि नेकपा तथा राजपाका नेता तथा कार्यकर्ताहरूले दुवै पार्टीको पक्षमा नारावाजी गर्दै अब उपरान्त प्रदेशमा भाइ–भाइको रूपमा स्थापित हुने वक्तव्य साटासाट गरिरहेका थिए ।

Global Ime bank

अन्तिम परिणाम सार्वजनिक भए लगत्तै राजपाको तर्फबाट प्रदेश सरकारको भौतिक पूर्वाधार विकास राज्यमन्त्री रहेकी डिम्पल झाले नेकपा तर्फबाट निर्वाचित दाहाल र पासवानलाई प्रदेश सरकारको तर्फबाट बधाई भन्दै माला र अबीर लगाइदिएकी थिइन् । प्रदेश २ मा नेकपा प्रमुख प्रतिपक्षी दलको भूमिकामा रहेको छ । 

कसको मत कति ?
१०७ प्रदेश सांसद र २७२ स्थानीय तहका प्रतिनिधिगरी ३७९ मतदाता रहेकोमा शतप्रतिशतले मतदान गरेका छन् । चुनावी परिणाम अनुसार अल्पसंख्यक तर्फ राजपका शेखरकुमार सिंहले कांग्रेसका भोला पजियारलाई ९९० मतान्तरले पराजित गरे । सिंहले प्रदेश सांसदतर्फ ५८ जनाको मत प्राप्त गरे भने पजियारले जम्मा ४९ जनाको ।

स्थानीय प्रतिनिधितर्फ सिंहको पक्षमा १५१ तथा पजियारको पक्षमा १२० जनाले मतदान गरे भने एकजनाको मत बदर हुनपुग्यो । मतभारको हिसाबले सिंहलाई ५ हजार ५०२ तथा पजियारलाई ४ हजार ५१२ मत प्राप्त भएको छ । 

अन्यतर्फ राजपाकै मृगेन्द्रसिंह यादवले समाजवादी पार्टीको तर्फबाट विपक्षीको रुपमा उठेका आफ्नै भाइ अनिरुद्धसिंह यादवलाई पराजित गरे । दाजु मृगेन्द्रले ५ हजार ४०० र भाइ अनिरुद्धले ४ हजार ५१२ मत पाए ।

राजपाका मृगेन्द्रलाई ५७ सांसद तथा १४८ स्थानीय प्रतिनिधिले मतदान गरेका छन् भने समाजवादी पार्टीका अनिरुद्धलाई ४९ सांसद र १२० स्थानीय प्रतिनिधिले मत दिएका छन् । 

महिला र दलित तर्फ नेकपाका उम्मेदवार विजयी भएका छन् । महिलातर्फ तुलसा दाहालले कांग्रेसकी नागिना यादवलाई र दलिततर्फ राधेश्याम पासवानले समाजवादी पार्टीका रामपृत पासवानलाई हराएका छन् ।

रामपृत राष्ट्रियसभाका वर्तमान सदस्य हुन् । कांग्रेसकी नागिनाले ५० सांसद तथा १३० स्थानीय प्रतिनिधिको मत पाइन् भने तुलसालाई ५७ सांसद र १४० स्थानीय प्रतिनिधिको मत प्राप्त भयो । त्यस्तै, नेकपाका राधेश्याम पासवानले ५७ सांसद र १४२ स्थानीय प्रतिनिधिको मत पाए ।

उनका प्रतिद्वन्द्वी रामपृत पासवानले ५० सांसद तथा १२८ स्थानीय प्रतिनिधिको मत प्राप्त गरे । 

चुनावी परिणाम केलाउँदा गठबन्धनमा आबद्ध दलका मतदाताले पार्टीको लाइन अनुसारै मतदान गरेको देखिन्छ । राजपाले आन्दोलनको बेला प्रमुख प्रतिपक्षीका रूपमा रहेको नेकपाका उम्मेदवारलाई इमान्दारीपूर्वक सघाउन नसक्ने हल्ला गलत सावित भएको छ ।

राजपाका उम्मेदवारले ‘क्रसभोटिङ’ गर्न सक्ने आशंका भएपछि पार्टी नेतृत्वले प्रदेश सांसद तथा स्थानीय प्रतिनिधिसमेत सबै मतदातालाई विपक्षी उम्मेदवारले भेट्न नपाउनेगरी दुई दिनसम्म बर्दिबासको होटलमा राखेको थियो ।
 

NIBLNIBL
प्रकाशित मिति: शुक्रबार, माघ १०, २०७६  ०६:५०
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC