पोखरा । दोस्रो संस्करणको पोखरा प्रिमियर लिग (पीपीएल) अन्तर्गत आज (बुधबार) हुने पहिलो खेलमा काठमाडौँ गोल्डेन वारियर्स र धनगढी ब्लुजबीच प्रतिस्पर्धा हुँदैछ ।   पोखरा क्रिकेट रंगशालामा बिहान ९ बजे सुरु हुने भनिएको खेलमा खराव मौसमका कारण टस हुन सकेको छैन् । 
काठमाडौंका लागि महत्वपूर्ण खेलका लागि रहेको प्रतियोगिताको चौथो दिनको पहिलो खेल हुन केही समय लाग्ने भएको छ । 

खेल हुने स्थानमा हुस्सु र सित लहरले गर्दा खेल हुने केही समय लाग्ने छ ।  पहिलो खेलमा पल्टनसँग पराजित भएको काठमाडौं दोस्रो खेलमा बुटवल बलास्टर्ससँग सुपर ओभरमा पारजित भएको थियो । त्यसैले काठमाडौंका लागि आजको खेल महत्वपूर्ण रहेको छ । 

उता धनगढी लगातार दोस्रो जितको खोजिमा हुनेछ । धनगढीले पहिलो खेलमा विराटनगर वारियर्सलाई पाँच रनले पराजित गरेको थियो । प्रतियोगितामा मात्र एक खेल खेलेको धनगढीको दुई अंक छ । उता दुई खेल खेलेको काठमाडौंले अंक जोड्न भने सकेको छैन ।