देश
पोखरा । मध्यपहाडी लोकमार्ग विस्तारको क्रममा सुख्खा पहिरो जाँदा एकजनाको मृत्यु भएको छ । लोकमार्गको पर्वत खण्ड अन्तर्गत कुश्मा नगरपालिका ७ खरेयामा पहिरो जाँदा मोरङको बेलबारी नगरपालिका २ का २७ वर्षिय कमल राईको मृत्यु भएको हो ।
राई उनी मध्यपहाडी लोकमार्ग आयोजनाका सबओभरसियर हुन् । बाटो नापजाँच गरिरहेको बेला माथिबाट ढिस्को सहित आएको पहिरोले राईलाई पुरेको हो ।
बिहान १० बजे पहिरो गएर पुरिएका राईको शव प्रहरीले डोजरको सहायतामा खनेर फेला पारेको थियो । उनको शव पोष्टमार्टमका लागि पर्वत अस्पतालमा राखिएको छ । स्तरोन्नतिको क्रममा रहेको मध्यपहाडी लोकमार्गमा वर्षाका कारण दैनिक जसो पहिरो खस्ने समस्या देखिएको छ ।
प्रकाशित मिति: सोमबार, असोज ६, २०७६ ११:५३
प्रतिक्रिया दिनुहोस्