काठमाडौं । प्रधानमन्त्री केपी शर्मा ओलीलाई भारतीय समकक्षी नरेन्द्र मोदीले नेपाली भाषामै धन्यवाद दिएका छन् । प्रधानमन्त्री ओलीले मंगलबार बिहान भारतीय प्रधानमन्त्री नरेन्द्र मोदीको जन्मदिनको अवसरमा तीन भाषामा शुभकामना दिएका थिए ।
प्रधानमन्त्री ओलीले ट्विटमार्फत् मोदीलाई अंग्रेजी, हिन्दी र गुजराती भाषामा सुस्वास्थ्य, खुसी र भलाइको कामना गरेका थिए । उनले सन्देशमा नेपाल र भारतको सम्बन्धलाई अझ मजबुत गर्नका लागि निरन्तर रुपमा सँगै काम गर्ने समेत उल्लेख गरेका थिए ।
उक्त ट्विटको जवाफमा भारतीय प्रधानमन्त्री नरेन्द्र मोदीले ओलीको शुभकामनाका लागि धन्यवाद व्यक्त गर्नुका साथै उनको शुभकामनाको अत्यन्तै कदर गर्ने बताएका थिए । उनले ट्विटको रिप्लाईमा लेखेका छन्, "मेरा मित्र प्रधानमन्त्री ओलीज्यू, तपाईको शुभकामनाका लागि धन्यवाद व्यक्त गर्न चाहन्छु । यहाँको शुभकामनाको अत्यन्तै कदर गर्दछु । @kpsharmaoli
मेरा मित्र प्रधानमन्त्री ओलीज्यू, तपाईको शुभकामनाका लागि धन्यवाद व्यक्त गर्न चाहन्छु । यहाँको शुभकामनाको अत्यन्तै कदर गर्दछु । @kpsharmaolihttps://t.co/V4UleRyeF7
— Narendra Modi (@narendramodi) September 17, 2019
