एजेन्सी । प्रिमियर लिग फुटबलमा चेल्सी बराबरीमा रोकिएको छ । आइतबार राति भएको खेलमा चेल्सीले लेष्टर सिटीसँग १–१ गोलको बराबरी खेलेको हो । घरेलु मैदानमा भएको खेलमा चेल्सीले सुरुवती अग्रता बनाएको थियो । तर उक्त अग्रतालाई घरेलु टोलीले जोगाइ राख्न सकेन् । चेल्सीका लागि मासोन माउन्टले खेलको सातौं मिनेटमा गोल गर्दै चेल्सीलाई सुरुवाती अग्रता दिलाएका थिए ।

यता खेलको ६७ औं मिनेटमा लेष्टरका लागि एनडीडीले नै गोल गर्दै खेल बराबरीमा ल्यए । बाँकी समय दुबै तर्फका खेलाडीले गोल गर्न नसक्दा दुबै टोली १–१ अंक बाड्न बाध्य भएका हुन् । चेल्सीमा यो सिजन मात्र आएका प्रशिक्षक फ्रान्क लाम्पार्डले नयाँ सिजनमा भएका दुबै घरेलु लिगका खेलमा जित निकाल्न सेकनन् । चेल्सी सिजनको पहिलो खेलमा म्यानचेस्टर युनाईटेडसँग ४–० गोल अन्तरले पराजित भएको थियो ।