काठमाडौं । नेपाल कम्युनिष्ट पार्टी (नेकपा) ले ७७ वटै जिल्लाका इन्चार्ज र सहइन्चार्जको टुंगो लगाएको छ । नेकपा सचिवालयको आइतबार दिउँसो प्रधानमन्त्री निवास बालुवाटारमा बसेको बैठकले ७७ वटै जिल्लाको इन्चार्ज र सहइन्चार्ज टुंगो लगाएको हो । “कुनै जिल्लामा एकजना मात्रै इन्चार्ज छन् भने कुनैमा एकजना मात्रै सहइन्चार्ज छन्। तर कुनै कुनै जिल्लामा १० जनासम्म सहइन्चार्ज बनाइएको छ । निर्वाचन क्षेत्र हेरेर सहइन्चार्ज तोकिएको छ,” नेता वामदेव गौतमले बैठकपछि पत्रकारहरुसँग कुरा गर्दै भने ।

उनले विभागहरुको टुंगो मंगलबार बस्ने सचिवालय बैठकले लगाउने बताए । उनले भने, “केही विभागहरुको टुंगो लाग्न बाँकी छ । मंगलबार लाग्छ । तर संगठन विभाग प्रमुख मै हुँ ।” यसैबीच छवटा महानगरपालिकाले जिल्ला कमिटीसरहकै मान्यता पाएका छन् ।