काठमाडौं । प्रधानमन्त्री केपी शर्मा ओलीले जनतासँग प्रधानमन्त्री कार्यक्रमबाट सरकारले गरेका कामहरु जनता समक्ष पुर्याउन सहज भएको बताएका छन् । जनतासँग प्रधानमन्त्री कार्यक्रम एक वर्ष पुगेको अवसरमा आयोजित कार्यक्रमलाई सम्बोधन गर्दै प्रधानमन्त्री ओलीले सो कुरा बताएका हुन् । प्रधानमन्त्री ओलीले यस कार्यक्रममार्फत् देशको आकांक्षा, सरकारका उपलब्धी र प्रतिफल जनतासँग पुर्याउन सहज भएको बताएका छन् ।
“यस कार्यक्रममार्फत् देशको अवस्था, सरकारका उपलब्धी, सडक यातायातको चर्चा, राष्ट्रिय आकांक्षा पूरा गर्ने दृष्टिकोण प्रस्तुत गरेका छौं,” प्रधानमन्त्री ओलीले भने । हरेक बुधबार राति ९ देखि १० बजेसम्म नेपाल टेलिभिजनबाट एक बर्षमा कार्यक्रम ५० अंक प्रशारण भयो । कार्यक्रम सञ्चालक मनोज पाण्डेले आजैबाट जनतासँग प्रधानमन्त्री कार्यक्रमको प्रशारण समापन गरिएको जानकारी दिएका थिए ।
कार्यक्रममा प्रधानमन्त्री ओलीले जनतासँग प्रधानमन्त्री पुस्तकको पनि विमोचन गरेका थिए ।