एजेन्सी । १२ औँ संस्करणको आईसीसी एकदिवसीय विश्वकप क्रिकेटमा आज (शनिबार) एक खेल हुँदैछ । आज हुने खेलमा उदाउँदो पाकिस्तान र संघर्षरत अफगानिस्तान आमने सामने हुँदैछन् ।
हेडिंगले कार्जी क्रिकेट मैदानमा हुने खेल नेपाली समयअनुशार दिउँसो ३ः०० बजेबाट सुरु हुनेछ । आज हुनेलमा अफगानिस्तानलाई पराजित गर्दै पाकिस्तान सेमिफाईनलमा स्थान बनाउन बाटोलाई सहज बनाउने योजनामा हुनेछ ।
यता प्रतियोगितामा हाल सम्म पनि जित निकाल्न नसकेको अफगानिस्तान आजको खेलमा जित निकाल्ने योजनामा छ । भारतविरुद्धको खेलमा उत्कृष्ट प्रदर्शन गरेपनि जित निकाल्न नसकेको अफगानिस्तान आजको खेलमा पनि उत्कृष्ट प्रदर्शन गर्दै पहिलो जित निकाल्न चाहन्छ ।
यसअघिका खेलमा पाकिस्तान ७ खेलबाट ७ अंक सहित छैटौं स्थानमा छ । अफगानिस्तान अंक विहिन हुदै तालिकाको पुछारमा छ । शनिबारनै हुने अर्को खेलमा शीर्ष स्थानको अष्ट्रेलियाले तेस्रो स्थानको न्युजिल्याण्डसँग प्रतिस्पर्धा गर्दैछ ।
यसअघिनै सेमिफाइनलमा स्थान बनाइसकेको अष्ट्रयाको लक्ष्य आजको खेलमा पनि जित हुनेछ । यता समेमिफाइनलमा स्थान सुरक्षित गर्ने न्युजिल्याण्डलाई अजाको खेल जिते मात्र पुग्नेछ ।