अनावृष्टिको मार झेलिरहेको उत्तर कोरियालाई दक्षिण कोरियाले ५० हजार टन चामल दिने योजना बनाएको छ । पछिल्लो एक दशकमा यो पहिलो घटना हो, दुनियाँबाटै अलग बन्दै गएको उत्तर कोरियालाई दक्षिण कोरियाले मानवीय सहयोग गर्न लागेको ।
उत्तर कोरिया अहिले भयङ्क सुख्खा (अनावृष्टि)को चपेटामा परेको छ । र, त्यस मुलुकमाथि लाग्दै आएको आर्थिक प्रतिबन्धका कारण अहिले खाद्यान्न सङ्कट पैदा भएको छ । दक्षिण कोरियाको एकीकरण मन्त्रालयले भनेको छ– चाँडोभन्दा चाँडो आफ्नो छिमेकी मुलुक उत्तर कोरियामा चामल पु¥याइनेछ ।
संयुक्त राष्ट्र सङ्घ (युएन)को विश्व खाद्य कार्यक्रम (डब्ल्युएफपी) ले मानवीय राहत प्रदान गर्ने यो कामको प्रक्रियाको अनुगमन गर्ने भएको छ । दक्षिण कोरियाली एकीकरण मन्त्री किम इयोन चुलने भने, ‘‘उत्तर कोरियावासीको खराब स्थितिलाई दक्षिणले नजरअन्दाज गर्न सक्दैन ।’’ यसअघि सन् २०१० मा पनि दक्षिण कोरियाले उत्तरलाई मानवीय मद्दत गरेको थियो । त्यसबेला पाँच हजार टन चामल दिइएको थियो ।
यी दुई देशबीच पछिल्लो समय सम्बन्ध केही सुध्रिएको देखिन्छ । केही दिनअघि युएनको एक कार्यक्रमका लागि दक्षिणले ८० लाख डलर दिएको थियो । यसै कार्यक्रममार्फत् उत्तरका महिला र बच्चालाई पोषक खाद्य तथा स्वास्थ्य सुविधा प्रदान गर्ने योजना बनाइएको थियो । गत महिना नै युएनले तयार पारेको रिपोर्टमा उत्तर कोरियामा छिट्टै मानवीय सहयोग पु¥याउनुपर्ने उल्लेख थियो ।
उत्तर कोरियाको खाद्य सङ्कट गम्भीर
युएनको रिपोर्टअनुसार यो वर्ष उत्तर कोरियाली नागरिकले प्रतिदिन केवल ३०० ग्राम भोजनमा जीवन चलाउनु परिरहेको छ । उत्तरमा यो वर्ष अनावृष्टिका कारण खाद्यान्न उत्पादन विगत ३७ वर्षमा सबैभन्दा कम हुन पुगेको छ । सुख्खाको असर पूरै देशमा परेको छ र उत्पादन निकै कम छ ।
एक आकलनलाई मान्ने हो भने, त्यहाँका ४० प्रतिशत मानिसलाई मानवीय मद्दत आवश्यक छ भने, ७० प्रतिशत अहिले पनि सरकारले वितरण गर्ने राशनमा निर्भर छन् । लामो समयदेखि उत्तर कृषि उत्पादनको सङ्कसँग जुध्दै आएको छ । १९९० मा भयानक सुख्खाको मार त्यहाँ परको थियो । त्यसबेला हजारौं कोरियालीको मृत्यु भएको बताइन्छ ।
परणमाणु तथा मिसाइल कार्यक्रमलाई बढी महत्व दिएका कारण उत्तर कोरियाले विभिन्नखालका प्रतिबन्धको सामना गर्नुपरेको छ । यसको असर मुलुकको अर्थव्यवस्थाका साथै खाद्यान्न जुटाउने क्षमतामा समेत पर्न गएको छ ।
(बीबीसी)