काठमाडौं । नेपाल सरकाले इथियोपियाको आदिस अबासाबाट केन्याको नैरोबीका लागि उडेको इथियोपियन विमान दुर्घटनाप्रति दुख व्यक्त गरेको छ।
परराष्ट्र मन्त्रालयले ट्वीट गर्दै आइतबार बेलुका इथियोपियाको एयरलाइन्सको इटी ३०२ कल साइनको विमान दुर्घटनामा भएको मानवीय क्षतीको खबरले स्तब्ध बनाएको उल्लेख गरेको छ।
ट्वीटमा लेखिएको छ, " इथियोपिया सरकारलाई परेको राष्ट्रिय शोक र दुर्घटनामा ज्यान गुमाएका शोकाकुल परिवारप्रति नेपाल सरकार परराष्ट्र मन्त्रालय गहिरो समवेदना र मृतकप्रति श्रद्धान्जली व्यक्त गर्दछ।"
एयरलाइन्सका अनुसार विमानमा १४९ जना यात्रु र चालक दलका आठजना सदस्य थिए। विमानमा सवार सबैको ज्यान गएको थियो।
उडेको केही समयमै विमान दुर्घटनामा परेको थियो। इथियोपियाका प्रधानमन्त्रीले दुर्घटनामा ज्यान गुमाउनेका परिवारप्रति गहिरो समवेदना व्यक्त गर्दै ट्वीट गरेका थिए।
Shocked by the news of Nairobi bound Ethiopian Airlines ET302's fatal crash in Addis Ababa. MoFA extends deep condolences to the governments of the friendly countries whose nationals perished in the incident as well as to the bereaved families of the victims. @PradeepgyawaliK
— MOFA of Nepal ???????? (@MofaNepal) March 10, 2019