काठमाडौं । श्रम, रोजगार तथा सामाजिक सुरक्षा मन्त्रालयले वार्षिक कार्यप्रगति सार्वजनिक गरेको छ ।  मन्त्रालयले ०७४ फागुनदेखि ०७५ फागुन १ सम्मको कार्यप्रगति सार्वजनिक गरेको हो । प्रत्येक प्रदेशमा कम्तीमा एउटा कार्यालय रहने गरी कर्णाली प्रदेशको राजधानी सुर्खेतमा श्रम तथा रोजगार कार्यालय स्थापना गरेको जनाएको छ । 

यस्तै हाल ११ वटा श्रम तथा रोजगार कार्यालय स्थापना भएका छन् । यी कार्यालयबाट श्रम प्रशासनसम्बन्धी काम र वैदेशिक रोजगारीका लागि सर्वसाधारणले आवश्यक सेवा सजिलो हुने मन्त्रालयको विश्वास छ । यसका साथै मन्त्रालयले श्रमिक आपूर्तिकर्तामार्फत श्रमिकलाई लगाउन सकिने कामको सूचीहरू नेपाल राजपत्रमा प्रकाशित गरेको छ ।

हालसम्म १३१ श्रमिक आपूर्तिकर्ता कम्पनीलाई उक्त कार्यका लागि ईजाजत दिएको छ । “यस्ता कम्पनीमार्फत विभिन्न क्षेत्रमा काम गर्ने श्रमिकहरूको सेवा सुविधामा सुनिश्चितता मिल्नेछ,” मन्त्रालयले जनाएको छ ।