काठमाडौं । प्रधानमन्त्री केपी शर्मा ओलीले आफूलाई तर्क, बहसमा रुची नभएको बताएका छन् ।

प्रतिनिधिसभाको आइतबारको बैठकमा बोल्दै प्रधानमन्त्री ओलीले भने, “पछिल्लो अवधिमा मैले केही अनौठो व्यवहारको अनुभूति गरेको छु । ‘सरकार के गर्दैछ, पत्तो भएन’ भनेर प्रश्न उठाइयो । के गर्दैछ, भन्ने जवाफ दिन्छु । अनि प्रतिप्रश्न आउँछ– प्रधानमन्त्री किन बोलेको ? बोल्न नहुने रहेछ क्यारे भन्ने ठानेर चुप रहन्छु, प्रश्न उठाइन्छ– खै जवाफ दिएको ? केही गर्न खोजिन्छ– सोधिन्छ, त्यो किन गरेको ? केही नगर्दा त प्रश्न उठ्ने नै भयो– खै काम गरेको ?”

उनले थपे, “मलाई कुनै तर्क र बहसमा रुची छैन । गर्नुपनि छैन, गर्नुछ त मुलुकको विकास । अब पनि यो देशको विकास नहुने हो भने कहिले र कसले गर्छ ? त्यसैले आज यस सम्मानित सदनमा म उठेका वा उठाइएका रङ्गीविरङ्गी प्रश्नलाई सम्बोधन गर्नुभन्दा पनि यस आर्थिक वर्षको नीति–कार्यक्रम  तथा बजेट कार्यान्वयनको स्थितिका बारेसंक्षेपमा राख्ने अनुमति चाहन्छु ।”

सम्बोधनको पूर्णपाठ